നാടന്‍ ചിക്കന്‍കറി

ആവശ്യമുള്ള സാധനങ്ങള്‍

ചിക്കന്‍ - 1 kg
തേങ്ങ നീളത്തില്‍ അരിഞ്ഞത് - അര മുറി തെങ്ങയുടെത്
സവാള നീളത്തില്‍ അരിഞ്ഞത് - ഒരു കപ്പ്‌
ചുമന്നുള്ളി  -  ഒരു കപ്പ്‌
വെളുത്തുള്ളി-ഇഞ്ചി പേസ്റ്റ് -  രണ്ടു സ്പൂണ്‍
ചിക്കന്‍ മസാല -  3  സ്പൂണ്‍
കുരുമുളകുപൊടി - 1  സ്പൂണ്‍
മല്ലിപൊടി - 1  സ്പൂണ്‍
മല്ലിയില അരിഞ്ഞത്,കറിവേപ്പില,വെളിച്ചെണ്ണ ആവശ്യത്തിന്‌

തയ്യാറാക്കുന്ന വിധം

പാന്‍ അടുപ്പില്‍ വെച്ച് ചൂടാകുമ്പോള്‍ വെളിച്ചെണ്ണ ഒഴിച്ച് സവാളയും ചുമന്നുള്ളിയും,വെളുത്തുള്ളി-ഇഞ്ചി പേസ്റ്റും തേങ്ങ കൊത്തും ഇട്ടു വഴറ്റുക. പച്ചമണം മാറിയതിനു ശേഷം ചിക്കനും ആവശ്യത്തിന്‌ ഉപ്പും ചേര്‍ത്ത് വഴറ്റുക. ചിക്കനിലെ   വെള്ളം പറ്റിയതിനു ശേഷം പോടികളെല്ലാം ചേര്‍ക്കുക.ശേഷം രണ്ടു കപ്പ് തിളച്ച വെള്ളം കൂടി ചേര്‍ത്ത് അടച്ചു വെച്ച് വേവിക്കുക.തീ കുറച്ചു വെക്കണം.ചാറ് കുറുകി ചിക്കന്‍ കഷ്ണങ്ങള്‍ വെന്തതിനു ശേഷം തീ അണയ്ക്കാം .അവസാനം മല്ലിയിലയും കറിവേപ്പിലയും ചേര്‍ത്ത് ഇളക്കുക.